近來無力感很重,睇見好多荒旦嘅事,除左嬲同唔開心,都唔知可以比什麼反應! PR 很重要,但係心更重要,與其將注意力擺係負面嘅事情,不如take action 做D野,盡小小力帶出正能量~
尋日發生左件令我好心酸嘅事,我係Times Square 搭𨋢,同𨋢其中一位上左年紀嘅男仕,我見佢衫褲滿曬油漆,應該係做裝修工作,佢嘅口罩戴到起晒毛,個一分鐘嘅𨋢裡面,我內心好絞結,我好想將袋裡面三個士啤口罩比左佢,但係我唔夠膽開聲,我好驚傷害到佢!結果尋晚返到屋企,後悔左好耐,我認該鼓起勇氣比完佢即走,反正佢帶住口罩我帶住口罩佢都唔識我........
今日約左Helen 同Hayley ,幾日前佢地問我攞意見,想為基層準備一D嘢,可以保護佢地! 我好開心,其實我好想整,但係唔知點樣分出去,搵完Emma,我地知道佢已經聯絡好一D機構,有人幫手分發,覺得一切都好像預備了!
我知道大家都缺乏物資,缺口罩缺消毒用品,我地買唔到,或者得返好小,但係起碼我地有機會等有貨嘅時候有錢買或者係借住朋友嘅嚟用住先,買到還返, 但係,基層嘅人,佢地係無錢買,一個口罩幾蚊,甚至接近十蚊,佢地唔會afford 得起,佢地唔應該因為經濟環境而生命受到威協!政策幫不了,但如果每個人都可以出一點點力,希望佢地都可以安全同感受到社會有愛!
多謝Hayley撲完大埔再撲銅鑼灣先買到三支火酒!我地四個攞左屋企嘅儲備,整左二百支消毒噴霧!呢度可以惠澤100個家庭!
我地整嘅時候,一路話,好香啊好香啊! 除左保護佢地,仲可以聞左開心D,的確,我地個個都好需要開心D!
今日整到最後唔係好夠油,我巢油袋,仲有支開左無耐,80% 滿嘅Thieves,我諗左1秒之後拎埋出黎,呢1秒我真係諗,好人一生平安,如果我地願意去祝福其他人,個天都會比福氣我地!
而家我屋企得返一支Thieves,但係我內心好平安!
剛才一邊寫Lable,一邊祈禱,願上帝保守呢班收到噴霧嘅人,就算佢地唔夠物資,不過神嘅恩典夠用!
Search